திராட்சைப் பழங்களை விட அதன் விதையில் ஏராளமான மருத்துவ நன்மைகள் நிறைந்துள்ளன.
திராட்சைப் பழத்தை விட, அதன் விதையில் புரோ-ஆன்தோசயனிடின் எனும் சத்து அதிகமாக நிறைந்துள்ளது. பல நோய்களுக்கு இது அருமருந்தாக திகழ்கின்றது.
இருப்பினும் அதிக அளவில் திராட்சை சாப்பிட்டால் ஒருசில பக்க விளைவுகளை ஏற்படுத்தத்தான் செய்யும். தற்போது அவை என்னென்ன என்பதை நாமும் தெரிந்து கொள்வோம்.
- திராட்சையில் சாலிசிலிக் அமிலம் உள்ளது. இந்த அமிலத்தால் நம்முடைய உடலில் சில பக்க விளைவுகள் ஏற்பட கூடும். குறிப்பாக இரப்பையில் அழற்சி, வயிற்று வலி, வயிற்றுப் போக்கு, வீக்கம் போன்ற பிரச்சனைகள் ஏற்படும்.
- திராட்சைப் பழத்தில் குறைந்த அளவிலான சர்க்கரையும் கொழுப்பும் இருப்பதால் எதிர்ப்பு சக்தி குறைவாக உள்ளவகள் இதை சாப்பிட்டால் வயிற்றுப்போக்கு உண்டாவதற்கான வாய்ப்புகள் அதிகம்.
- திராட்சையில் மாம்பழம் மற்றும் பலாப்பழத்தைப் போன்று அதிக கலோரிகள் உள்ளது. இதனை நாம் அதிகம் சாப்பிடுவதால் உடலில் கலோரிகள் அதிகமாகும் உடல் எடையும் அதிகரித்துவிடும்.
- திராட்சையில் சக்திவாய்ந்த ரெஸ்வெராட்ரோல் என்னும் பாலிபினைல் இருக்கிறது. இது கர்ப்பப் பை சுருக்கத்தை ஏற்படுத்தும் வாய்ப்பு இருக்கிறது. அதனால் கர்ப்ப காலத்தில் பெண்கள் திராட்சை எடுத்துக் கொள்வதைத் தவிர்ப்பது நல்லது.
- திட உணவுகளை மென்று விழுங்கக் கற்றுக் கொள்ளும் பருவம் என்பதால் திராட்சையை குழந்தைகள் அப்படியே விழுங்கி விடக்கூடும். அப்படி தொண்டையில் திராட்சையைத் தெரியாமல் விழுங்கி விட்டாலும் சுவாசக் குழாயில் மாட்டிக் கொண்டு மூச்சுத் திணறலை ஏற்படுத்தும்.
- திராட்சையின் தோல் பகுதியில் இயற்கையாகவே ஒருவித மெழுகு போல் படிந்திருக்கும். அதுகூட சருமத்தில் அரிப்பு மற்றும் அழற்சி ஆகியவை ஏற்படக்கூடும். அதுமட்டுமின்றி, சரும வீக்கம், சருமத்தில் சிவப்பு நிற தடிப்புகள், சுவாசப் பிரச்சினை, தொடர்ச்சியான தும்மல் போன்ற அழற்சிப் பண்புகள் உண்டாகும்.
- திராட்சை அதிகமாக சாப்பிடுவதால் அதிலுள்ள அமிலத் தன்மையினால் சிறுநீரக பிரச்சனைகள் ஏற்படுவதற்கான வாய்ப்புகள் அதிகம்.
